成都老碼頭火鍋 (Closed)

依個星期天氣又開始凍返，係時候又打邊爐。依間火鍋店成日經過覺得佢裝修都幾靚好中國風，今日決定入去坐。入到去裝修都好靚又乾淨，仲要坐窗邊嘅卡位好闊落。望個餐牌都好多食物揀，就連新鮮海鮮都有，選擇困難症真係好難揀。因為我朋友唔食辣所以揀左佢地鴛鴦鍋。花膠雞湯底好值得食，入面好足料，平時無咩湯水飲依家補返哂。我最鍾意佢地嘅必叫老碼頭筷子牛肉，出面唔會食到依款秘製牛，好香好堅韌。另外佢地嘅老友鬼鬼墨魚滑，我都係第一次打邊爐食油炸鬼，估唔到咁夾。