鋒哥廚房 (Closed)

今日同福中學同學喺元朗食飯聚會，呢間餐廳喺御庭居地下，我哋嚟食佢呢個任食麻辣雞煲和火鍋，有超級多嘢食。餐廳嘅裝修非常有特色，充滿霓虹燈招牌，好有香港味道！美味指數😋😋😋😋😋環境指數🩷🩷🩷🩷🩷服務指數👍👍👍👍🍲天氣開始凍，食羊腩煲就一流，一煲唔夠食可以再添，餐廳超慷慨，呢個羊腩煲係無限添加㗎！羊腩肥肥白白，充滿健康嘅油脂，羊肉夠晒香，肉質柔軟又多汁，用左枝竹，馬蹄和冬菇一齊炆，惹味道不得了！🍲麻辣雞煲又係任食，雞煲夠辣又夠麻，雞件夠晒肉滑捋捋極之惹味，用嚟送飯一流😋，一上枱未食都已經聞到香味啦！🍲花雕醉雞煲（一次性），呢個煲有超香嘅花雕味，啱晒鍾意飲花雕又鍾意食雞嘅人，酒味超濃郁，酒令雞件更加滑，食完真係有少少醉。🤭🍲食完兩個滋味煲，跟住就再打邊爐，有一個免費湯底🍅，咁就揀呢個有營蕃茄薯仔湯🍅，酸酸甜甜可以消化下，繼續拆餐勁。火鍋材料有肉類，海鮮類，丸類，蔬菜類，小食類等等。竟然連安格斯牛頸脊都可以無限任食，我哋仲食咗蝦，蜆，海鮮新鮮又鮮甜，蔬菜清清爽爽有多水份，有菜類，菇類和瓜類，仲有香脆可口嘅炸魚皮