慢活瞬間長洲粒粒雪糕

Open Now

Now Closed

食粒粒雪糕真係令人愉快㗎！佢嘅店舖設計以復古懷舊為主，仲擺滿咗唔同既唱片，包括張國榮嘅唱片，帶返唔少回憶。坐喺度就好似返到咗過去，真係好舒服。粒粒雪糕有好多款口味，每一粒粒嘅雪糕都好特別。佢哋嘅雪糕入口即溶，口感超豐富。我揀咗曲奇味同香蕉味雪糕，曲奇味嘅雪糕有啲脆脆，同埋有濃郁嘅奶味。而香蕉味嘅雪糕則帶有濃郁嘅香蕉香氣，食落去滋味鮮甜，好好食！另外，波子汽水同檸檬雪糕都好吸引，下次一定要試下。除咗粒粒雪糕之外，仲有其他美味嘅小食。我食咗南乳雞翼，味道香口濃郁，雞翼肉質鮮嫩多汁。仲有撈麵，一杯撈麵帶返中學嘅回憶，麵條彈牙，配上特製醬汁，中華沙律，牛柏葉等等味道鮮美。最後，我地仲食左巴拿馬火腿配哈密瓜，火腿嘅鹹香同哈密瓜嘅甜蜜完美結合，一啖下去，口感豐富。喺長洲行街行到累嘅時候，真係可以坐低喺粒粒雪糕度休息吓。店舖環境舒適，令人感到放鬆。坐喺度慢慢食小食，充下電，又可以享受到美味嘅雪糕。真係一個好好嘅休息時光。