小皇府 (惠安苑) (Closed)

聽同事講華蘭路新開咗間中式小廚「小皇府」都唔錯，今日就約埋飯腳去試一試。打開餐牌，原來除咗碟頭飯，呢度仲有點心、煲仔飯，而且價錢都算ok。大食積上身，我哋每人叫咗個煲仔飯/河粉之餘，仲叫咗個點心+口水雞，一於食盡佢。小秘書點嘅臘腸蒸雞煲仔飯，上枱已經聞到好香呀！不過飯底就濕咗啲、細煲咗啲，味道都唔錯；至於點心我哋就要咗個帶子魔鬼魚餃，外表肥嘟嘟、好可愛，食落都幾鮮味🤩 不過另加果碟口水雞就完全唔得，雞肉無味又鞋烚烚🥴 「小皇府」整體嚟講都還可以，起碼坐得舒服又唔會趕我哋埋單😆 應該會返單嘅！