Video
Read full review
2012-07-05
87 views
三個女仔差不多成年冇見，但係近排身體麻麻，想食正氣D，終於畀我搵到機會試呢間一直好想試的中菜小館！黎呢度，大部分人都係叫餐，因為$78唔單止有大量小菜任你揀、任你mix & match，而且跟湯又送油菜，十足十食住家飯咁～是日例湯係節瓜瘦肉湯。個湯唔油、味道好濃，飲得出係足料靚湯，我最buy呢度D野唔落味精！講真果句，我同大部份怕肥的女仔一樣，正常來講係唔會鍾意食豬手的...你話好多膠質都係咁話！今次因為蘭苑饎館而破例，仲要係我主動要點的，原因好簡單︰幾乎個個食評都讚佢好食！食落，真係好食！豬手超稔滑，入哂味，D南乳真係勁香，好正，不知不覺我就食左好多舊啦！朋友想食黑椒牛仔骨，所以叫左呢味。我怕牛肉對皮膚敏感，只係食左幾件，不過D黑椒又係好入味，的確好食！搞到我好想知佢地點解可以整到D野食咁入味！魚香茄子擺明係一道好油的菜式，不過我都決定要叫，因為屋企整的通常冇咁好鑊氣，少好多風味！果然呢個茄子煲又係好正，入面仲有D吸哂餸汁的粉絲，茄子又係入哂味咁，好正囉～～食飽飽，但係明知呢度D甜品都好出名，唔想錯過，所以叫左個杏仁糊。清清甜甜而且夠滑，我覺得相當唔錯呀！有機會都想試埋佢其他款式的甜
黎呢度，大部分人都係叫餐，因為$78唔單止有大量小菜任你揀、任你mix & match，而且跟湯又送油菜，十足十食住家飯咁～
是日例湯係節瓜瘦肉湯。個湯唔油、味道好濃，飲得出係足料靚湯，我最buy呢度D野唔落味精！
講真果句，我同大部份怕肥的女仔一樣，正常來講係唔會鍾意食豬手的...你話好多膠質都係咁話！今次因為蘭苑饎館而破例，仲要係我主動要點的，原因好簡單︰幾乎個個食評都讚佢好食！食落，真係好食！豬手超稔滑，入哂味，D南乳真係勁香，好正，不知不覺我就食左好多舊啦！
朋友想食黑椒牛仔骨，所以叫左呢味。我怕牛肉對皮膚敏感，只係食左幾件，不過D黑椒又係好入味，的確好食！搞到我好想知佢地點解可以整到D野食咁入味！
魚香茄子擺明係一道好油的菜式，不過我都決定要叫，因為屋企整的通常冇咁好鑊氣，少好多風味！果然呢個茄子煲又係好正，入面仲有D吸哂餸汁的粉絲，茄子又係入哂味咁，好正囉～～
食飽飽，但係明知呢度D甜品都好出名，唔想錯過，所以叫左個杏仁糊。清清甜甜而且夠滑，我覺得相當唔錯呀！有機會都想試埋佢其他款式的甜品！第一次黎幫襯的感覺真係幾好。其實我有眼見D小菜落左唔少油，調味亦都幾濃(雖然我相信D調味唔係味精，因為食完冇口渴)，不過佢又真係整得好食喎！唔係餐餐都黎食，咁所以油D都可以接受～～
Other Info. :
套餐除左跟飯，仲可以揀各式麵食，而且無限任添，睇黎好岩胃口大的朋友去食！不過睇返D舊食評，發現近年佢D套餐不斷加價，我明白成本舖租都一定貴好多，不過我地食客亦冇乜點加過人工，希望黎緊唔駛再加落去啦！
(The above review is the personal opinion of a user which does not represent OpenRice's point of view.)
Post
