Video
Read full review
2019-12-16
986 views
記得第一次食中式湯粉麵就係細個嗰陣爸爸帶我去屋企附近茶餐廳食嘅魚蛋米線，食第一啖就覺得呢種又淋又滑嘅粉好好味，自此愛上，所以好多時下午茶或者傍晚時肚餓都會食碗粉頂住個肚先。呢間粉麵店喺商場裝修後由2樓搬去1樓，每次經過都幾旺，由期繁忙時間一定要等位，不過呢類食店人流快，客人嚟得多食得快。呢間粉麵舖品質係唔錯嘅，而且職員人手充足，絕無態度差或黑面，今日放工返屋企前就同幾個同事一齊食碗麵頂吓肚先。餐具調味架都幾乾淨整齊。潮洲四寶米，米粉都唔算硬，魚皮餃唔錯，有一款唔知係唔係豬肉丸都好味，有少少淋淋哋。牛筋牛腸河，牛筋牛腸夠淋又滑，牛腸仲有油膩感，好味。牛雜米線(走膀)，咩內臟都有啲，而且粉量唔少。牛腩雲吞撈粗麵，牛腩要求肥啲，菜好淋，牛腩肥瘦適中，夠淋，牛味夠，麵爽滑，但有少少過鹹。雲吞另上，有三粒，蝦肉幾多，幾彈牙。加$14可配細炸魚皮一碟，好酥脆唔係硬脆，好新鮮。熱飲+$8凍飲+$9
餐具調味架都幾乾淨整齊。
潮洲四寶米，米粉都唔算硬，魚皮餃唔錯，有一款唔知係唔係豬肉丸都好味，有少少淋淋哋。
牛筋牛腸河，牛筋牛腸夠淋又滑，牛腸仲有油膩感，好味。
牛雜米線(走膀)，咩內臟都有啲，而且粉量唔少。
牛腩雲吞撈粗麵，牛腩要求肥啲，菜好淋，牛腩肥瘦適中，夠淋，牛味夠，麵爽滑，但有少少過鹹。
雲吞另上，有三粒，蝦肉幾多，幾彈牙。
加$14可配細炸魚皮一碟，好酥脆唔係硬脆，好新鮮。
熱飲+$8
凍飲+$9
Post
