鍋匠中日火鍋專門店 (Closed)

蕃茄薯仔粟米筒骨湯鍋湯料份量幾足，筒骨夠多，識食一定要食骨髓。蕃茄味略嫌淡味，個人鐘意更濃。呢到賣點係可以食到唔同牛部位較多。有牛黃喉，牛胸爽，特上牛肉，安格斯牛肉等等。前者真係第一次食，極之爽口。後者同其他火鍋店差不多。除咗牛，當然唔少得其他配料。有特長蟹柳，蟹子墨魚滑，青蔥鱈腐等等，各有特色。心急唔想滾，可以叫熟食。我就試咗和牛炒飯，用嘅係珍珠米同和牛，味道唔錯。刺身只需加38就可以任食，如果當爭鮮計，食返10幾舊就回本，而且味道都唔差。