Video
Read full review
2023-04-12
278 views
#pb食在中環 中環休閑樓上cafe☕️今次介紹嘅呢間中環樓上cafe係上年10月先開 不過一直都好低調🤪 佢位於大廈二樓 採用Open Kitchen 環境簡約、舒服 大約有7-8張枱😍 角落有一個窗口打卡位 可惜當晚有人坐左 所以影唔到相🥺 想去嘅朋友可以經Openrice、ig、WhatsApp、電話book位👍🏻 特別一讚店主覆ig覆得好快 而且好願意聆聽意見🥰.晚市有一人套餐 包湯、沙律、主食 價錢$188😋 配飲品半價👍🏻 主食有Pasta、Risotto、Ribs、Pizza選擇😍 如果唔要餐 主食單叫$118-$298不等🤪 🔹和風烤野菜沙律🥗有西蘭花、茄子、粟米芯、秋葵等😋 不過烤得好乾身 而且食落味道偏甜 有少少古怪🥲 底層仲有南瓜蓉 同樣味道偏甜🤪🔹莎莎牛油果沙律🥑推介❤️ 莎莎牛油果好食 牛油果夠熟夠甜😋 仲可以配埋芝士片食 好惹味👍🏻🔹八爪魚南瓜沙律🐙推介❤️ 八爪魚份量算多 而且唔會好韌😋 個汁簡單用左黑醋 酸酸地 好開胃😍 除左八爪魚 仲有沙律菜、車厘茄、櫻桃蘿蔔等 底層仲有南瓜蓉👍🏻🔹意式鴨肉醬耳朵粉🦆推介❤️ 全餐最好食 好想再試😍 鴨肉醬好惹味 再加埋一舊舊
中環休閑樓上cafe☕️
今次介紹嘅呢間中環樓上cafe係上年10月先開 不過一直都好低調🤪 佢位於大廈二樓 採用Open Kitchen 環境簡約、舒服 大約有7-8張枱😍 角落有一個窗口打卡位 可惜當晚有人坐左 所以影唔到相🥺 想去嘅朋友可以經Openrice、ig、WhatsApp、電話book位👍🏻 特別一讚店主覆ig覆得好快 而且好願意聆聽意見🥰
.
晚市有一人套餐 包湯、沙律、主食 價錢$188😋 配飲品半價👍🏻 主食有Pasta、Risotto、Ribs、Pizza選擇😍 如果唔要餐 主食單叫$118-$298不等🤪
🔹和風烤野菜沙律🥗
有西蘭花、茄子、粟米芯、秋葵等😋 不過烤得好乾身 而且食落味道偏甜 有少少古怪🥲 底層仲有南瓜蓉 同樣味道偏甜🤪
🔹莎莎牛油果沙律🥑
推介❤️ 莎莎牛油果好食 牛油果夠熟夠甜😋 仲可以配埋芝士片食 好惹味👍🏻
🔹八爪魚南瓜沙律🐙
推介❤️ 八爪魚份量算多 而且唔會好韌😋 個汁簡單用左黑醋 酸酸地 好開胃😍 除左八爪魚 仲有沙律菜、車厘茄、櫻桃蘿蔔等 底層仲有南瓜蓉👍🏻
🔹意式鴨肉醬耳朵粉🦆
推介❤️ 全餐最好食 好想再試😍 鴨肉醬好惹味 再加埋一舊舊芝士 好香好好食😋 中間仲食到一條條鴨肉👍🏻 仲有我好中意嘅貓耳朵粉🤪
🔹羊肚菌蘑菇醬手捲通粉🍄
好惹味、好creamy😋 羊肚菌、蘑菇份量好多👍🏻 用左手捲通粉幾特別 索汁一流😍
🔹風乾豬面肉卡邦尼意粉🐷
一望就知好creamy 蛋汁好豐富😋 不過食到中間開始覺得鹹 同有少少漏🥲
🔹鮮大蜆蒜油墨魚汁意粉🦪
味道好鹹 係海水嘅鹹 同左店員反映🥲 意粉索哂鹹味 如果唔鹹其實好好食🥺 大蜆有6隻 冇沙👍🏻
🔹焦糖脆脆烈日窩夫🧇
用左比利時烈日窩夫 舖面落左珍珠糖 幾香👍🏻 窩夫口感外脆內軟😋 不過旁邊嘅焦糖脆脆超級甜 食唔到🥲
.
整體✨ Cafe位於中環大廈二樓 裝修簡約、舒服🥰 佢仲可以book枱 店員好nice 好岩成班朋友仔聚會👍🏻 食物質素唔錯 而且價錢唔貴😍 係一間好用心製作、有驚喜嘅cafe❤️
As Usual Cafe (中環)
中環威靈頓街97號威利大廈2樓2D號舖
Post
