炊豕店 (威靈頓街) (Closed)

今日來中環行大館，肚餓要醫肚，就喺大館附近搵嘢吃。於是就來到呢間位於威靈頓街148號地下幾有特色嘅炊豕店。入到去，見到有10多張小枱，啲擺設好有舊時屋企的感覺，勁有親切感餐單就係一單張，一邊中文版本，另一邊就係英文版本，方便中西客人。約10樣飯，麵選擇，可加添配料，也可揀小飯減一蚊，環保，抵讚。除此之外，仲有啲平，靚，正小食可選。小食酥炸鳳尾蝦首先出場，表皮勁香脆，但略嫌粉桨多咗少少，但都ok嘅。跟住秘製豬扒飯(肉燥汁)出場，首先勁大舊豬扒，舖满碗面，一啖咬落，嘩，香噴噴，脆卜卜，吃到我哋舔舔脷，我同朋友一致讚好而20蚊的辣味海蜇，比想像中份量多，够爽，够惹味。話梅花雕豬手飯我哋免費轉咗粗麵，豬手够腍带微微花雕味，亦好好味。