Rang Mahal Authentic Indian Cuisine (Closed)

收工過到嚟只係七點幾，估唔到已經差唔多FULL場，好彩朋友已經先黎拎定位。餐廳好有印度特色，電視上面亦都播緊好多印度嘅MV。點完餐，店員送上左兩塊薄脆嘅餅，仲有三款唔同嘅汁。不過試唔出係咩味道。哈哈黎到印度餐廳梗係必點薄餅啦印度蒜蓉薄餅芝士味濃郁，就咁食已經好好味，完全唔需要再點其他野。芝士溶左喺個薄餅入面，可以拉到少少絲。薯蓉咖喱角雖然叫做咖喱角，但係同我地食開既咖喱角有D唔同，佢一個三國錐體嘅樣，脹卜卜，餡料有薯仔同埋青豆，外層炸得超香脆，大大嚿，要分幾啖先食得晒。Lassi乳酪特飲店員推介嘅飲品，將芒果肉同埋乳酪撈勻，有濃郁嘅奶味，加上香甜嘅芒果味，口感好稠密。