燈籠滷味 T.P.E. (M88) (Closed)

朋友係中環發現咗一間台灣滷水店，咁耐冇去得去台灣夜市，即刻去食下滷味同蛋餅止止渴先。一嚟即刻叫個椒麻香滷鴨血，鴨血夠曬滑，同麻辣味好夾，仲有啲生菜，健康都嚟好入味。透心涼拌皮蛋豆腐，分量又大又清涼，仲有肉鬆同木耳，口感豐富。台灣當然必要食蛋餅，我哋食咗日本豚肉蔥抓蛋餅，除咗泡菜沖繩豚肉之外，仲有邪惡嘅芝士，夾起嘅時候仲有少少拉絲㗎～甘梅香脆地瓜條，香脆得嚟比一般薯條甜同健康。意猶未盡嘅我哋仲追加咗個自由配搭嘅滷味，飽飽地我哋叫咗大腸、唐生菜、同蘿蔔，可以繼續食下滷味嘅同時又唔會太heavy。我叫咗杯冷泡桂花烏龍，清清哋，適合送味道偏濃嘅台灣菜。食咗咁多邪惡嘢，朋友就叫左杯酸梅湯山楂綠茶，酸酸哋又有山楂，幫助消滯。