Video
Read full review
2020-03-20
1999 views
我做咗中環上班族N咁多年啦，所以對喺中環無論食商務、一人餐或成班同事一起的午餐，都略有點知識。今日帶你嚟呢間，我一個月都會嚟幾次嘅「咪咪茶餐廳」，位於小巷利源西街中間。你一定估唔到，一間位於小巷中其貌不揚嘅茶餐廳入邊，居然不時有日本人或外國人喺度食午餐🍛。呢度CP值高，平時我鍾意食鹽焗雞飯🐔或蒸鯇魚飯🐠，除咗餐牌嘅食物之外，每日都有精選午餐。今日店員介紹：「黑椒德國鹹豬手飯🍖」好靚。好！就試吓啦，碟豬手飯嚟到，大大塊喎，應該有半隻豬手份量，炆得好琳滑，好惹味，超得👍😋！連埋餐飲，都係$46。你話抵唔抵呢🤑？雖然呢度嘅員工個個都中氣十足，但都有禮貌，午餐繁忙時間，仲有時會亂亂地，好搞笑😂。收銀嗰個中年哥哥仔應該就係老闆，風趣幽默。「咪咪」係一間非常之有人情味、地道嘅茶餐廳。推薦給中環上族中，尤其是係月尾嗰陣🤫，哈哈！
今日帶你嚟呢間，我一個月都會嚟幾次嘅「咪咪茶餐廳」，位於小巷利源西街中間。
你一定估唔到，一間位於小巷中其貌不揚嘅茶餐廳入邊，居然不時有日本人或外國人喺度食午餐🍛。
呢度CP值高，平時我鍾意食鹽焗雞飯🐔或蒸鯇魚飯🐠，除咗餐牌嘅食物之外，每日都有精選午餐。
今日店員介紹：「黑椒德國鹹豬手飯🍖」好靚。好！就試吓啦，碟豬手飯嚟到，大大塊喎，應該有半隻豬手份量，炆得好琳滑，好惹味，超得👍😋！連埋餐飲，都係$46。你話抵唔抵呢🤑？
雖然呢度嘅員工個個都中氣十足，但都有禮貌，午餐繁忙時間，仲有時會亂亂地，好搞笑😂。收銀嗰個中年哥哥仔應該就係老闆，風趣幽默。
「咪咪」係一間非常之有人情味、地道嘅茶餐廳。推薦給中環上族中，尤其是係月尾嗰陣🤫，哈哈！
Post
