吃什麼 (Closed)

What to eat難得放平日，就約咗個朋友出中環。之前係大館附近食過呢間台灣小店，覺得好唔錯，就諗住去回味下。 對上一次黎已經係年幾前，餐廳外面多期都係排緊隊，起碼30分鐘黎先入到去。但由於當日已經過咗午餐時間，加上疫情影響，而家已經有咗條人龍，真係有d唏噓。拎起張點餐紙，發現餐牌有都有啲改動，有啲特色台灣野，例如水蓮菜都冇咗，有少少失望。不過唔緊要，都照叫咗幾台灣菜回味下。紅燒牛肉麵一上枱就聞到好濃郁既牛肉味，面條都算比較粗身，食落會比較有咬口，而且食到咁後都唔會太淋身。湯底亦都幾重牛味，成碗都有3大舊牛肉，都幾足夠。而最主要係有大量酸菜，正！芝士肉鬆蛋餅蛋餅即叫即做，啱啱上枱果陣仲好辣口。蛋餅外包好煙韌，蛋餅亦包裹得好緊致。餡料都唔吝嗇，滿滿既肉鬆同芝士，都8成重現台灣既口味。火雞肉飯年幾前，我就係食咗呢樣野而愛上呢到。火雞肉好嫩滑，加上偏重胡椒既調味，雞肉既肉汁唔令飯添上啲油脂香，但又唔會搞到碗飯太濕，恰到好處。但今次返黎再飯，火雞肉飯依然好質，但係睇圖就知，成碗飯變咗幾餸飯咁，加咗啲蓮藕片，莧菜，日式咖哩同少少菇。而咁搞笑既係咖哩入面竟然有魚蛋。配料正常發揮，但我咁愛既都係