Video
Read full review
2020-03-05
2905 views
【黃店推介 - 中環平價茶仔 - 金禾茶餐廳】🐷🐷 💭呢期豬仔少左出街玩🥺, 多數都係老豆返工先會係外面食飯, 所以今日又嚟推介一吓中環和你lunch 嘅好選擇!! 今次介紹嘅呢間茶仔set lunch 有老火湯/凍熱飲, 價錢平均都係$5X-$7X, 每日精選有4款, 每日唔同, 但入面一定會有小炒類/煲仔菜類/籠仔飯類, 另外仲有OL最鍾意嘅常餐, 價錢$5X!! 而好多人會突登黎食佢個鹽焗雞飯同籠仔肉餅飯, 套餐價錢都係$6X-7X!! 🐷🐷💬1⃣招牌鹽焗雞飯+ 老火湯 ($65)一場嚟到就梗係要試吓佢個招牌菜啦, 見到有差唔多一半食客都叫呢個雞飯, 先嚟個湯, 今日係蕃茄薯仔煲豬骨湯, 都有唔少湯渣, 仲有D菜係入面, 好健康! 雞飯好快亦都嚟啦, 主要靠沙薑鹽焗雞汁釣味, 沙薑味唔算好重, 但都夠咸好惹味, 薑鹽焗雞汁仲可以用嚟撈飯食🤣而雞件就幾大份, 有翼有脾有雞胸, 特別幾舊雞脾肉非常嫩滑!! 鹽焗雞唔係好多地方有得食到, 而且整得唔錯又唔貴就更少, 而佢仲係黃色良心小店, 冇理由唔試吓佢啦!! 🐷🐷💬2️⃣砂鍋電吞雞配白飯+ 老火湯 ($70)聽個名係出面食
🐷🐷 💭呢期豬仔少左出街玩🥺, 多數都係老豆返工先會係外面食飯, 所以今日又嚟推介一吓中環和你lunch 嘅好選擇!! 今次介紹嘅呢間茶仔set lunch 有老火湯/凍熱飲, 價錢平均都係$5X-$7X, 每日精選有4款, 每日唔同, 但入面一定會有小炒類/煲仔菜類/籠仔飯類, 另外仲有OL最鍾意嘅常餐, 價錢$5X!! 而好多人會突登黎食佢個鹽焗雞飯同籠仔肉餅飯, 套餐價錢都係$6X-7X!!
🐷🐷💬1⃣招牌鹽焗雞飯+ 老火湯 ($65)
一場嚟到就梗係要試吓佢個招牌菜啦, 見到有差唔多一半食客都叫呢個雞飯, 先嚟個湯, 今日係蕃茄薯仔煲豬骨湯, 都有唔少湯渣, 仲有D菜係入面, 好健康! 雞飯好快亦都嚟啦, 主要靠沙薑鹽焗雞汁釣味, 沙薑味唔算好重, 但都夠咸好惹味, 薑鹽焗雞汁仲可以用嚟撈飯食🤣而雞件就幾大份, 有翼有脾有雞胸, 特別幾舊雞脾肉非常嫩滑!! 鹽焗雞唔係好多地方有得食到, 而且整得唔錯又唔貴就更少, 而佢仲係黃色良心小店, 冇理由唔試吓佢啦!!
🐷🐷💬2️⃣砂鍋電吞雞配白飯+ 老火湯 ($70)
聽個名係出面食要起碼一舊水, 呢度配餐都係$70, 而且仲好大煲, 數埋有10粒8粒雞, 好嫩滑, 好好彩有一半係雞脾肉添卡卡🤣而最吸引就係個湯, 唔似一般茶仔淨係落調味, 個湯幾清, 唔會好咸, 而且佢落左紅棗、蔥等等釣味, 又健康又好味, 用黎當湯飯食都唔錯! 至於雲吞就有3粒, 唔止菜肉, 原來仲有蝦, 好飽好抵食! 但當然雲吞嘅質素唔能夠同出面雲吞麵店比, 但可以接受嘅!!
老火湯又係每日唔同, 今日係霸王花菜豚骨湯, 有唔少瘦肉同菜係碗湯度, 都足料嘅!!
🐷🐷💬3️⃣瑤柱福建炒飯($65) +老火湯
要試一間茶仔有冇料到當然要炒個飯試試, 炒飯幾乾身, 至於配料就有雞粒, 差燒為主, 配上冬茹紅羅白等等, 仲有少量蝦仔, 汁就幾夠濃味, 每啖飯都配到肉同汁, 而且好大碟, 食完肯定唔會下晝黃昏叫肚餓!! 至於是日老火湯就係紅羅白栗米煲豬骨湯, 又係有肉有紅羅白栗米食, 唔會好咸, 足料得嚟仲好有家嘅感覺🥰
🐷🐷💭呢間黃店根據和你EAT所講, 參與左黃色商界聯署, 唔會招呼黑警同埋會請手足, 如果有埋文宣痴係店內外就更好啦!!另外亦有傳言話老闆係遊行期間多次係中環幫助同路人, 希望大家繼續支持黃店啦!
Post
