新森林焗之專門店 (威靈頓街)

Open Now

Now Closed

假日過嚟逛逛活化後嘅中環街市，總共有三層好多野買，絕對係最新文青蒲點👍🏻行完喺附近搵到呢間街坊價錢嘅餐廳🍴呢度下午茶幾多款，見到側邊有好多人都食迷你焗飯，如果唔食焗飯個啲可以叫小食配搭之選，左配右配幾有新鮮感，價錢真心抵！我叫咗芝士吞拿魚脆豬+豚王菜肉煎餃子🥟餃子皮薄身且微微煎過，入口軟腍，帶少少煙靭感；脆豬係迷你size。無論餃子同脆豬都無整到燶晒好熱氣嘅感覺，岩晒我！餐飲+$6叫懷舊菠蘿冰梳打，味道甜絲絲，大大杯透心涼！