中環茶記 (Closed)

同個朋友去左中環大館參觀，行下行下見到新開左間新既茶餐廳，叫中環茶記，門面都幾懷舊，就入去試下，晚上中環食市普遍都唔算多人，我揀左坐卡位，好寬敞，餐廳都好光猛。睇相見到個沙嗲牛肉菠蘿油好吸引，相有飲品，原來係唔包的，單點$34。不過好失望，個菠蘿包皮係唔脆唔架！另外叫左鐵板甜酸蝦球雙麵王 $78，個汁甜甜酸酸好開胃，表面的麵好脆，裡面係淋身，兩種口感，另外個蝦球就太多脆醬。仲叫左個烤豬扒拼鰻魚 $138 ，我地問店員咩汁最夾鰻魚，佢話因為鰻魚係冰鮮，所以黑椒汁最好。雖然咁樣介紹係有點倒米，但好好笑，個汁係黎到店員會幫手淋落去鐵板。個田唔到又真係好食喎，鰻魚好滑，個豬扒都唔錯，唔會太硬，有蕃茄醬另上沾薯條。凍奶茶 +$3就有，另加點了龍鳳檸樂 $24，好大杯。