GRAFFITI

Open Now

Now Closed

真難以想像喺蘭桂坊會有二百多元嘅牛扒2人晚餐，套餐包醒胃沙律，2個頭盤，2主菜及2杯酒（星期1-3去，仲每人多1杯），但竟然在團購網上找到。當晚未夠7時已到達，只見1枱外籍人士在把酒言歡，店內每枱都有1點1點嘅燭光，在旋律伴隨之下感覺柔和舒適。係時候點菜了，前菜要咗香辣大蝦及意大利水牛芝士伴巴馬火腿片，主菜選馬撒拉醬汁肉眼牛扒及意大利紅醬海鮮燴飯，2杯香檳及紅白酒各1。首先來碟醒胃黑醋汁沙律及香檳，我只可說我兩對黑醋汁都不感興。緊隨著嘅係香辣大蝦及芝士巴馬火腿片，蝦炸得脆脆，但蝦身有“乸”過嘅味道，醬汁不太濃味，帶有少許酸咪咪嘅味；而芝士巴馬火腿片兩者都不太香濃。慢慢吃慢慢影相，主菜到了，但牛扒來時變咗全熟，幸好不太靭，牛味不濃的它配上醬汁後味道還可以；意大利海鮮燴飯嘅餸不多，但都有兩隻青口及少糧海鮮粒，味道普通。果腹後捧著紅白酒坐著坐著，來到live band表括演時間，原本感覺幾正，但不知可來突然有大群嘅自由人惠顧，他們幾乎遮蓋整個舞台及掩蓋那強勁嘅音樂。