嶺南會所

Open Now

Now Closed

📍中環 - 【嶺南會所】中環德輔道中25-27A號安樂園大廈12-13樓（中環站B出口，步行約1分中鐘）⁡呢日一行廿幾人嚟到嶺南會所食晚飯，一上到去嘅感覺係裝修平實，環境整潔。店員服務安排我哋入咗一間超大房，setting 都睇得出餐廳嘅細心，就算咁多人，都幫我哋圍到一個大圈，方便我地傾偈，亦都好主動serve我哋，呢點值得讚賞👍🏻⁡清酒冰鎮鮮鮑普通😅冇咩味⁡金沙魚皮黃金粒金沙魚皮夠香脆！⁡爵士湯飲落幾清甜，上湯渣嘅時候店員話原來係用哈密瓜煲，我哋即刻試吓個哈密瓜，第一下係無味，但嗒落嗰陣蜜瓜味就慢慢滲出嚟🤣幾過癮⁡迷你蝦多士呢個唔得，個多士吸晒啲油，食落成口油😖最後成個多士都冇食😰⁡琥珀嶺南一口牛牛肉粒唔老幾夠腍，合桃帶少甜，幾香口～⁡紅酒東坡肉炆得好腍又入味！⁡順德銅盆銀紙雞蒸得啱啱好，肉質嫩滑⁡最後仲有唔同甜品揀：雪糕涼粉/芝麻湖等～⁡自己覺得性價比唔算太高，但適合一大班人聚會傾計，服務幾好，食物整體質素不錯！