時光逆流

Open Now

Now Closed

中環蘭桂坊上到盡就見到呢間閣樓小店，完全啱晒我鍾意飲酒嘅朋友，同埋唔鍾意飲酒嘅我。日式紐西蘭極佳級牛扒(360g / 12oz)呢個份量絕對夠兩個人食，鐵板燒醬汁勁正，烏冬都好彈牙，仲有糖心蛋添，湯又超甜啱我飲。嘢飲方面我點咗魔法可可嘅忘憂的治癒術，入面有薰衣草同薑黃，棉花糖大大粒，好好打卡，朋友就調酒師Anna特別炮製咗杯甜酸苦辣都有齊晒嘅重酒精雞尾酒比佢。最後甜品就點咗時光逆流嘅招牌蛋糕，紅蘿蔔朱古力蛋糕好好好好甜，大愛呀。