Video
Read full review
2024-07-15
573 views
嗰日同朋友咁啱經過蘭桂坊附近，朋友同我講之前試過都覺得幾唔錯，而且又係小店，同我講話覺得坐落幾舒服，咁就帶咗我入去。成間Café位就真係唔係好多，但係俾人感覺幾溫馨。‣ 月亮與六便士 $88朋友話第一次嚟一定要試吓杯咖啡，試完之後都覺得冇推薦錯，不枉我夜晚仲要飲咖啡。中間係鮮奶冰唔係雪糕，但係其實奶香味都好足。將espresso倒落去之後，個味道又會唔一樣，個層次隨住加嘅espresso多少都會有唔同，我覺得係驚喜，而且令人滿意嘅。‣ 花落 $68朋友就嗌咗一杯mocktail，嘢飲本身荔枝味比較重，有少少微微嘅花香味，梳打嘅比例偏重，幾清爽。但係個人而言，自己比較推薦咖啡系列。‣ 澳州和牛漢堡定食 $168漢堡扒做得都幾唔錯，食到肉嘅香味，而且都幾多汁。我最鍾意嘅就係面頭嘅太陽蛋，太陽蛋幫到個肉質加分。雖然佢有胡麻醬搭配烏冬撈埋食，但係我就咁倒個溫泉蛋落去撈埋食已經覺得好正，烏冬嘅口感都唔錯。佢嘅蘿蔔湯真係好有家嘅感覺，個蘿蔔都煮得好入味好腍。‣ 玉子燒 $78之所以話佢嘅料理好有住家感覺，可能唔多唔少都係因為個玉子燒，食得出味醂同雞蛋本身嘅香，個口感偏實在。‣ 日本東京第一 $68
嗰日同朋友咁啱經過蘭桂坊附近，朋友同我講之前試過都覺得幾唔錯，而且又係小店，同我講話覺得坐落幾舒服，咁就帶咗我入去。成間Café位就真係唔係好多，但係俾人感覺幾溫馨。
‣ 月亮與六便士 $88
朋友話第一次嚟一定要試吓杯咖啡，試完之後都覺得冇推薦錯，不枉我夜晚仲要飲咖啡。中間係鮮奶冰唔係雪糕，但係其實奶香味都好足。將espresso倒落去之後，個味道又會唔一樣，個層次隨住加嘅espresso多少都會有唔同，我覺得係驚喜，而且令人滿意嘅。
‣ 花落 $68
朋友就嗌咗一杯mocktail，嘢飲本身荔枝味比較重，有少少微微嘅花香味，梳打嘅比例偏重，幾清爽。但係個人而言，自己比較推薦咖啡系列。
‣ 澳州和牛漢堡定食 $168
漢堡扒做得都幾唔錯，食到肉嘅香味，而且都幾多汁。我最鍾意嘅就係面頭嘅太陽蛋，太陽蛋幫到個肉質加分。雖然佢有胡麻醬搭配烏冬撈埋食，但係我就咁倒個溫泉蛋落去撈埋食已經覺得好正，烏冬嘅口感都唔錯。佢嘅蘿蔔湯真係好有家嘅感覺，個蘿蔔都煮得好入味好腍。
‣ 玉子燒 $78
之所以話佢嘅料理好有住家感覺，可能唔多唔少都係因為個玉子燒，食得出味醂同雞蛋本身嘅香，個口感偏實在。
‣ 日本東京第一 $68
我自己就好鍾意呢個甜品，超濃郁嘅芝士味，中間芝士流心嘅質感真係不得了，口感亦相當滑溜。鍾意食芝士蛋糕嘅人會好滿意，真係幸福感滿滿。
‣ 經典蘋果撻 $48
朋友好鍾意個蘋果撻，佢最滿意嗰個位就係冇肉桂味，畢竟唔係個個都接受到。而家佢嘅甜度係啱啱好，唔會食完覺得膩，口感偏輕盈。
Post
