上海小南國 (萬宜大廈) (Closed)

約左班好耐冇見嘅舊同學，佢地指定要喺中環食，要好食，唔太貴又坐得耐，只有呢度做得到。撞岩我果晚要ot，又撞正安心偷食曝光第一日，好彩經理俾班舊同學坐低慢慢傾住等咋。講返食物一直冇得輸，唯一要彈嘅係肴肉雪得太凍同太大舊，其他每樣都好好食。有一個秘密推介係大家都估唔到嘅，就係小南國個沙律，中餐食沙律我開頭都抗拒，但食左一次就每次都點，因為好新鮮同好好味。服務亦係好周到，特別係經理，每次幫襯都睇得出佢真心誠意服務客人，適當時候會行開等你傾計，超級識做。可惜當晚佢放假見唔到添。