本格 (Closed)

咁岩今日喺中環返工，心血來潮想食串燒、又比我搵到原來真係有間小眾嘅串燒店。位於中環鐵行里嘅呢間小店原來除咗主打串燒之外仲有好多唔同種類嘅酒飲，例如啤酒🍻日本清酒🍶雞尾酒🍹有汽酒、紅酒🍷白酒…唔怪得知咁多人喺度happy hours 所有串燒都係即叫即燒，夠晒熱辣辣超正！我哋叫咗佢哋招牌嘅紫蘇葉雞腿肉，味道果然係好特別！鍾意紫蘇葉香味嘅朋友必試，雞腿肉串都好正！啖啖肉而且肉質彈牙，燒雞軟骨都幾大粒同充滿鹹香惹味，送酒一流！我就最鍾意個雞翼，外皮超香脆而且一咬開裏面勁多汁😍朋友就最鍾意脆卜卜串燒雞皮。芝士年糕好煙韌，好多芝士喺裏面。串燒豆腐有驚喜，皮脆肉滑而且上面仲有好多木魚花同埋秘製醬汁！正！秋葵好爽甜，雞心同埋雞腎不過不失，反而免治雞肉好Juice！我哋仲追加左啲炸物，蟹肉忌廉可樂餅勁Creamy超邪惡，甘粟紫薯可樂餅甜甜地好香滑軟熟，估唔到小店嘅串燒都有咁高水準。