Video
Read full review
2022-10-26
610 views
金鶴拉麵-中環今次去到一間充滿日本氣氛既日本拉麵店，當然要試下佢既拉麵啦。一入餐廳勁有日本的感覺既裝修，以黑色為主調，燈光暗暗地好有情調。坐位都非常空曠，坐得都幾舒適。店舖亦有bar枱同窗邊座位供食客選擇，可以望到師傅預備食物或是看着街景用餐。今次叫左兩個拉麵及一個魷魚筒。金鶴雞白湯拉麵 $98首先講講，雞白湯拉麵份量都幾多幾大碗，有兩塊大大塊的低溫慢煮的雞肉及一塊極大塊的豚肉叉燒。另外，值得一讚的是個湯底，果然是招牌拉麵，雖然沒有叫極濃版本，但味道依然非常濃烈帶有陣陣的雞香味，拉麵硬度適中口感都很彈牙，掛上雞湯非常香口。拉麵上有一堆炸牛蒡，非常香脆香口，放在拉麵非常吸引，拉麵中亦有木耳、糖心蛋、慢煮雞肉、豚肉、筍條及紫菜，非常出色。特別要講講慢煮雞肉，因為慢煮既原因，雞肉肉質非常的嫩滑，咬落又啖啖肉，值得一讚。香辣豚骨湯拉麵 $98另外，香辣豚骨湯拉麵，基本上材料與雞白湯拉麵差不多，都有兩塊低溫慢煮的雞肉及兩塊的豚肉叉燒、木耳、糖心蛋、筍條及紫菜等。但由於是香辣豚骨湯，辛辣的味道令所有既材料多一個層次，更加香口。辣度不是後徑形，在口腔已經感覺到辣的感覺。豚骨味道都非常香濃，不禁飲多幾
今次去到一間充滿日本氣氛既日本拉麵店，當然要試下佢既拉麵啦。一入餐廳勁有日本的感覺既裝修，以黑色為主調，燈光暗暗地好有情調。
坐位都非常空曠，坐得都幾舒適。店舖亦有bar枱同窗邊座位供食客選擇，可以望到師傅預備食物或是看着街景用餐。
今次叫左兩個拉麵及一個魷魚筒。
金鶴雞白湯拉麵 $98
首先講講，雞白湯拉麵份量都幾多幾大碗，有兩塊大大塊的低溫慢煮的雞肉及一塊極大塊的豚肉叉燒。另外，值得一讚的是個湯底，果然是招牌拉麵，雖然沒有叫極濃版本，但味道依然非常濃烈帶有陣陣的雞香味，拉麵硬度適中口感都很彈牙，掛上雞湯非常香口。拉麵上有一堆炸牛蒡，非常香脆香口，放在拉麵非常吸引，拉麵中亦有木耳、糖心蛋、慢煮雞肉、豚肉、筍條及紫菜，非常出色。特別要講講慢煮雞肉，因為慢煮既原因，雞肉肉質非常的嫩滑，咬落又啖啖肉，值得一讚。
香辣豚骨湯拉麵 $98
另外，香辣豚骨湯拉麵，基本上材料與雞白湯拉麵差不多，都有兩塊低溫慢煮的雞肉及兩塊的豚肉叉燒、木耳、糖心蛋、筍條及紫菜等。但由於是香辣豚骨湯，辛辣的味道令所有既材料多一個層次，更加香口。辣度不是後徑形，在口腔已經感覺到辣的感覺。豚骨味道都非常香濃，不禁飲多幾啖湯。豚肉片都非常有口感，配上豚骨湯底更加突出。
汁燒原隻魷魚筒 $108
叫多了一個魷魚筒，店員都很細心在落單時特別解釋由於需要立即解凍再燒，因此製作需時大約需要二十分鐘。食完拉麵再飲兩啖茶，魷魚筒剛好製作完成，在等待期間店員亦細心的收拾拉麵碗等餐具，換上一隻新的碟仔。魷魚筒很爽口彈牙，而且每舊魷魚都切成一段段，醬汁味道帶有微微的香甜味道，能夠容易一口一舊，非常香口，值得一讚。
總結，無論環境、服務、食物質素都很好，下次再黎要試試店主推介的鰻魚及串燒等食品。
Post
