Video
Read full review
2024-05-06
3403 views
早排經過E間餐廳比佢外面嘅裝潢吸引到, 原來係omakase嚟的, 見到價錢唔算貴, $1000唔洗已經有18品 Omakase Dinner, $1400仲有22品, 於是就入去試下! 原來餐廳而家仲做緊第2個omakase set半價, OMG😦😦真係抵到不得了!餐廳一入到去就有張L型吧枱, 旁邊有兩張普通枱, 店員安排左我地坐係吧枱位置, 座位闊落, 坐得幾舒服! 當晚客人幾多, 幾乎滿座! ⭐前菜一口煙肉配芥茉籽煙肉微微咸香配上少量芥茉籽, 刺激味蕾幾開胃⭐赤貝邊配紫蘇葉／青瓜食落清甜爽口, 加上紫蘇味道, 感覺好fresh⭐深海池魚薄切魚油甘香, 肉質細緻, 加少少咸鹽同山葵莖做成嘅wasabi調味, 令味道更豐富⭐長崎縣華蓮生蠔/赤海膽配三文魚籽海水味相對偏淡反而特出了蠔身肥美甘甜嘅優點，蠔嘅甘甜令赤海膽更鮮甜!⭐螢光魷魚用左炸嘅方法去做E道料理, 香口得嚟魷魚味極濃郁⭐燒吞拿魚腦天／海膽泡芙靚靚嘅擺盤顯出師傅嘅心機, 腦天輕輕燒一燒, 將魚油迫出來, 肉質軟嫩, 肥美鮮甜! 泡芙裝滿左肥美鮮甜嘅海膽, 一口擺入口, 超滿足! 旁邊仲有牛蒡, Wasabi同蜜煮豆, 清一滿
餐廳一入到去就有張L型吧枱, 旁邊有兩張普通枱, 店員安排左我地坐係吧枱位置, 座位闊落, 坐得幾舒服! 當晚客人幾多, 幾乎滿座!
⭐前菜
一口煙肉配芥茉籽
煙肉微微咸香配上少量芥茉籽, 刺激味蕾幾開胃
⭐赤貝邊配紫蘇葉／青瓜
食落清甜爽口, 加上紫蘇味道, 感覺好fresh
⭐深海池魚薄切
魚油甘香, 肉質細緻, 加少少咸鹽同山葵莖做成嘅wasabi調味, 令味道更豐富
⭐長崎縣華蓮生蠔/赤海膽配三文魚籽
海水味相對偏淡反而特出了蠔身肥美甘甜嘅優點，蠔嘅甘甜令赤海膽更鮮甜!
⭐螢光魷魚
用左炸嘅方法去做E道料理, 香口得嚟魷魚味極濃郁
⭐燒吞拿魚腦天／海膽泡芙
靚靚嘅擺盤顯出師傅嘅心機, 腦天輕輕燒一燒, 將魚油迫出來, 肉質軟嫩, 肥美鮮甜! 泡芙裝滿左肥美鮮甜嘅海膽, 一口擺入口, 超滿足! 旁邊仲有牛蒡, Wasabi同蜜煮豆, 清一滿味蕾就開始食下一道菜!
⭐甘錭魚
感覺就好似日式嘅酸菜魚, 魚鱗燒得香脆, 味道咸咸酸酸, 特别得嚟又幾開胃
⭐火炙象拔蚌
一蚌兩味, 火炙象拔蚌帶微微煙燻味道令肉味更豐富; 柚子象拔蚌刺身則爽口彈牙, 柚子更突出象拔鮮味, 令味道更清新, 兩款實在各有千秋, 難以比較
⭐沙甸魚卷
用上香蔥, wasabi突出沙甸魚魚香味, 魚味濃郁, 口感豐富
⭐煙燻鰆魚
鰆魚肉質鮮嫩，經煙燻過後油脂味更加濃郁, 配上七色芝麻, 蒜同蔥, 層次感整豐富
⭐慢煮和牛牛柳
牛柳軟腍入味, 牛味濃郁超juicy
<壽司>
⭐半熟花竹蝦
花竹蝦味道鮮甜, 肉質彈牙, 蝦味濃郁
⭐伊佐木
伊佐木肉質雪白通透, 柔軟多脂
⭐火炙右口魚邊
外層紫菜香脆, 中間包住爽嫩嘅右口魚邊同紫蘇魚, 火炙過後食落油脂更豐腴
⭐喜之次
肉質細嫩柔軟而且膠質豐富
⭐煙燻鰆魚
肉質鮮嫩, 經煙燻後味道更有層次
⭐水針魚
肉質白細鮮甜, 緊實細緻
⭐醬油漬赤身
用醬油漬過肉質更緊緻, 食落味道更香
⭐炭燒鯖魚
鯖魚肥美可口, 肉質特別細嫩, 魚味濃郁
⭐北海道平川海膽
嘩嘩嘩～當你見在場見到都會有同樣反感, 事實師傅係剷起一大份海膽擺落去飯上面再用紫菜包住, 海膽多到不得了, 入口即溶, 味道濃郁, 完全唔想吞落肚, 想一直留係口腔內, 真係幸福到爆!
⭐松葉蟹加蟹膏，炸蟹仔配紫蘇花
松葉蟹加蟹膏鮮味十足, 一啖啖食落去十分滋味! 旁邊嘅炸蟹仔香脆可口, 配上紫蘇花嘅獨特香氣, 令簡單嘅食材變得不再單調
⭐慢煮鮑魚
鮑魚口感軟腍, 鮮味突出, 調味剛剛好幾好食
⭐魚湯
熱辣辣嘅魚湯鮮甜味美好暖胃!
⭐日本芒果
芒果甜度高而且多汁, 為完美嘅晚餐劃上句號
Post
