炭家 (Closed)

“鰻魚重”($420)“鰻魚玉子燒”($150)“炭燒熊本和牛”($188)“日本和牛舌心”($158)“月見雞肉棒”($68)“炭家特色沙律”($120)中環歌賦街雖然唔多就腳但就有多間好有特色而且高質嘅餐廳☺️所以我地間唔中都會去吓搵食😛今次就去咗主打鰻魚同燒物嘅炭家🔥嚟得呢間餐廳必點嘅一定一定係鰻魚重定食😍透過玻璃望到師傅燒鰻魚已經好吸引🤤果然食落口外脆酥脆,肉質肥厚🤤醬汁唔會太膩,加上山椒粉味道層次更豐富🥰因為太好味三扒兩撥就食哂成個飯😆跟餐仲會有茶碗蒸,鰻魚凍同清湯☺️另外都點咗幾款餐廳推介嘅菜式鰻魚玉子燒中間包住蒲燒鰻魚入口綿密而且蛋香十足😚炭燒熊本和牛牛味同油香味都好夠濃🐮點上蛋漿一齊食更加順喉😍日本和牛舌心肉質細嫩,完全唔會韌🤤仲配上咗淡路島洋蔥🧅香口得嚟又唔嗆喉連平時唔多鍾意食牛舌嘅男朋友就覺得好食🤣月見雞肉棒都係水準之作👍🏻炭家特色沙律用上海膽,牛油果,沙律菜等🥗真係一個十分豪華嘅沙律😛最後仲會送上每人一份生果,真係好滿足☺️