金鶴拉麵 (荷李活道) (Closed)

金鶴拉麵🍜｜中環 濃厚雞白湯拉麵 明太子雞翼 ｜🐣雞白湯係日本同香港已經流行左好耐, 而依家我地先去試，我想像中已經要係好濃郁既雞湯味同唔同好似豬骨湯咁油膩膩同膩。今次我地收左工就去左中環既分店試下，好彩唔洗點排隊，好快就可以入去。分店都好易搵，中環街市行多幾分鐘就到。💕今次我地就叫左兩碗唔同既湯底試下，仲有明太子雞翼同埋日本既波子汽水。🐣金鶴 雞白湯拉麵 $98濃厚雪白既雞湯，仲有叉燒同雞叉燒，半顆溏心蛋，黑木耳絲同一大束炸牛蒡絲，用料好足。雞白湯又鮮甜濃郁，好滑好creamy，唔會好重口味。叉燒柔軟好味，再浸落個湯度，就更加鮮味。今次係第一次食雞叉燒，但估唔到都好嫩滑，雞味濃郁。最特別係炸牛蒡絲，甜甜地，脆卜卜，不過浸落湯就好有咬口。拉麵麵質都好彈牙，唔錯〜🍜醬油拉麵 $88醬油拉麵其實都唔錯，個湯底唔系純粹得醬油味，反而有種清甜味，令人覺得好舒服。湯底令我印象都好深刻。醬油湯底配上叉燒都好好味🐣日本明太子雞翼 $48總共有兩隻雞翼，外表焗得岩岩好，金黃色。除左雞翼尖既位置，雞中翼其實已經去左骨，食既話真系好方便。味道方面，入面有滿滿既明太子，其實都幾辣，唔食得辣既朋友就要小心啦。