山旮旯 (Closed)

喺伊利沙伯體育館睇完劇行出嚟，每一次都會見到呢間嘢，今日終於有機會試下。我哋叫咗兩樣嘢食: 炸豬手! 夾返個甜甜地嘅蜜糖芥末醬，旁邊有啲黑醋沙律菜。皮脆，啲肉唔會鞋颯颯，個人覺得有啲鹹。另一個係:牛油白酒煮蜆跟粗薯條。唔記得佢話係邊度嚟嘅大蜆，有六隻，啖啖肉，超滿足! 個湯汁滾埋D洋蔥，好味!😋 早之知唔配薯條，配多士，咁就可以吸晒D汁。我揀咗呢杯手工啤係朱古力+咖啡味。唔諗住大口大口飲啤酒嘅人先好揀呢隻，正如你唔會大口大口咁飲咖啡一樣。呢支係朋友叫嘅，我試過...唔係咁啱我😅整體嚟講，都唔錯。我當晚眼見啲食客多數都係睇完舞臺劇，或者住喺附近酒店嘅外國旅客，同似係啲寫字樓放工嚟 Happy hour，都斯斯文文。想同朋友飲番杯傾下計，但又怕啲好雜嘅酒吧就啱晒。