拾味正宗刀削麵館 (歌賦街) (Closed)

刀削麵大家可能食得多，但係即場削麵再即場煮嘅麵館大家又試過未?!🤪 師傅會即叫即削，麵條嘅口感厚實好多🤏🏻而且見到店員仲會默默人手包餃子睇落都好正宗咁💛下次可以試埋買包裝凍餃子返去煮🤣.① 麻辣魚腐刀削麵+豬軟骨 ($55 + $10)// 刀削麵可以揀爽身或者腍身啲，小編揀咗爽口啲，麵質的確幾煙韌，而且因為刀削麵嘅湯本身調味唔多，所以可以更加突顯麵質嘅口感🤩。刀削麵都有一定厚度，唔好見佢份量唔多咁，其實食完都幾飽吓！而辣度就會喺配料醬汁個度調整。魚腐有別與普通麵店嘅魚腐，會預先炸過！所以食落香口好多🤤加$10仲可以追加唔同嘅配料，小編今次就揀咗豬軟骨🐽～//𝙁𝙤𝙤𝙙：🌕🌕🌕🌕🌗🌑② 麻辣豬頸肉刀削麵 ($55)// 豬頸肉都有煎炸過，所以都好食嘅！✨而其他麵質就同其他套餐無分別啦。//𝙁𝙤𝙤𝙙：🌕🌕🌕🌕🌗🌑③ 紅油抄手 ($42)// 見到店家默默人手包餃子好吸引所以忍唔住叫咗一份抄手試吓🥰水餃皮薄但超爆多餡！真係好足料 粒粒聚手，不過略嫌紅油醋底可以再重味啲，但整體都好足料！//𝙁𝙤𝙤𝙙：🌕🌕🌕🌕🌗🌑.🎗拾味正宗刀削麵館 (歌賦街) (中環)中環歌賦街43號地舖