Kim's Korean BBQ Restaurant (Closed)

我哋訂位係五個人，結果只係四個人嚟咗，加一個兩歲小朋友。佢哋都係收我四個人嘅錢大時大節……都真係唔好意思😅😅😅招呼好好好殷勤我哋只係食咗半自助餐，但係已經好夠食 呢個價錢絕對會返嚟再食！先嚟六點前菜，傳統大白菜做嘅泡菜有一大碟。我哋一開始諗緊點叫時，佢哋先介紹可以喺半自助餐個餐牌到每樣要一份，但係我哋怕食唔曬(有四款湯)所以都係揀咗幾件呢叫。雖然任食唔包嘢飲，但係佢哋冰水從無間斷供應，對於我哋嚟講都已經算好夠。個人感覺室內嘅抽風系統算係唔錯，所以唔算好大煙味。當然喺度燒啲好油嘅五花腩時啲油都係會彈出嚟，但最少唔會攻到成面煙。佢哋教到個爐唔係好大火，反而今次嘅韓燒體驗唔錯。因為之前去到其他地方個火都好大，可能我哋唔識控制，好多肉好快就變黑。但今次個火唔大，啲五花肉可以慢慢燒燒，到真係好似韓劇嗰啲脆卜卜，第一次咁欣賞食五花肉。第一眼係畀啲五花肉嘅肥膏嚇親，但原來燒完之後真係好好食。