Video
Read full review
2023-07-09
677 views
作為土生土長港女，對粵菜有股莫明嘅執著同熱愛。今次到訪 ICC 101樓嘅全海景中菜廰 麒天 The Kitin，係我近年食過最好味嘅中菜TOP 3。價錢一定貴架喇，但食完又覺得合理。居高臨下飽覽無敵維港美景，真心好味加有新意嘅fusion煮法，令人由心欣賞。無可挑剔，打星星幾道菜有驚喜！前菜⭐️法式X0醬蒜茸牛角包 - 第一道菜已經驚艷到我，估唔到中式醬同法國包咁夾，芝士脆片咸香，打開咗味蕾！頭盤白露荀清酒伴聖子 - 聖子爽口，配清酒泡沫有omakase感覺金沙日本南瓜 - 邪惡，麻煩大家zoom in張圖睇燉湯⭐️松茸螺頭燉海參 - 用蠟燭座熱上，幾時飲都唔怕攤涼。燉湯每啖都係精華，入口舒服，胸口暖意一湧而上。主食⭐️花膠伴香檳魚子醬 - 無諗過可以用炸嘅個方式煮花膠，一咬滿口膠原，香檳醬汁幾特別。麒麟星斑球 - 清蒸清斑塊夾菘茸同雲腿食，好清甜⭐️壹零壹風沙乳鴿 - 嫩滑多汁，風沙配料惹味，半隻剛好唔會太滯飯菜雲腿上湯浸菜遠 - 要再讚多次雲腿真係好甜唔會死鹹⭐️砂窩豬油渣香蔥飯 - 米飯粒粒分明，飯、飯焦、豬油渣比例拿捏得宜，每啖都有咬勁，但又唔會過火，齒頰留香，如果唔係太飽，我想食多碗
價錢一定貴架喇，但食完又覺得合理。居高臨下飽覽無敵維港美景，真心好味加有新意嘅fusion煮法，令人由心欣賞。
無可挑剔，打星星幾道菜有驚喜！
前菜
⭐️法式X0醬蒜茸牛角包 - 第一道菜已經驚艷到我，估唔到中式醬同法國包咁夾，芝士脆片咸香，打開咗味蕾！
頭盤
白露荀清酒伴聖子 - 聖子爽口，配清酒泡沫有omakase感覺
金沙日本南瓜 - 邪惡，麻煩大家zoom in張圖睇
燉湯
⭐️松茸螺頭燉海參 - 用蠟燭座熱上，幾時飲都唔怕攤涼。燉湯每啖都係精華，入口舒服，胸口暖意一湧而上。
主食
⭐️花膠伴香檳魚子醬 - 無諗過可以用炸嘅個方式煮花膠，一咬滿口膠原，香檳醬汁幾特別。
麒麟星斑球 - 清蒸清斑塊夾菘茸同雲腿食，好清甜
⭐️壹零壹風沙乳鴿 - 嫩滑多汁，風沙配料惹味，半隻剛好唔會太滯
飯菜
雲腿上湯浸菜遠 - 要再讚多次雲腿真係好甜唔會死鹹
⭐️砂窩豬油渣香蔥飯 - 米飯粒粒分明，飯、飯焦、豬油渣比例拿捏得宜，每啖都有咬勁，但又唔會過火，齒頰留香，如果唔係太飽，我想食多碗。
甜品
松露巧克力鐡觀音奶凍 - 用功夫茶杯上，有心思
追加
⭐️酥炸華漣生蠔 - 厚肉，大過塊面咁滯，第一次覺得中式炸蠔係咁好食
鮮柚子玉蒲豚 - 因為個名得意而叫，原來係咕嚕肉，炸漿好薄好脆，好味
Tasting Menu $1488/per head
Overall $2147/per head
Post
