Video
Read full review
2024-07-01
4082 views
有去過 sensory ZERO 食嘢嘅朋友都知道佢哋啲嘢食高質，所以當知道佢哋响黃竹坑開咗主打拉麵小籠包嘅 lulu BAOBAO 之後，真係令我心感興奮，急不及待要去試下。😍同 sensory ZERO 一樣，lulu BAOBAO 都係好素食 friendly，餐牌上有塊葉嘅就係素食。不過問過店員，拉麵係有蛋嘅，小籠包嘅皮就唔肯定，所以可以話主食都係以蛋奶素為主。🥚真漢子今次試咗：🥑 CLS 擂椒牛油果 $38有幾 CLS 呢？首先牛油果配埋青辣椒一齊食，應該未試過啦？最特別係佢哋比埋支棍你，自己樁爛啲食材。想辣啲咪樁爛啲辣椒，或者樁到所有嘢變成醬汁用嚟撈啲麵食都係一流。佢本身碗內都有啲汁，酸酸哋咁，配合辣椒同牛油果食非常開胃。😋🐽 我唔係豬肉 • 手工小籠包 $53小籠包係呢度其中嘅主打，好彩對素食者都有照顧到，呢款係素食版，用嘅仲係大家好熟悉嘅 Omni 新豬肉添。小籠包皮薄多汁之餘冇話好易穿，可以盡情飲哂包入面鮮味嘅湯汁，當然唔少得入口啖啖嘅新豬肉啦，好滿足。🥰🍜 三絲拌麵 $58三絲有紅蘿蔔，青瓜同木耳，連埋麻醬撈麵食，感覺幾清新。呢度拉麵係手工製作，麵質唔錯，而且客人
同 sensory ZERO 一樣，lulu BAOBAO 都係好素食 friendly，餐牌上有塊葉嘅就係素食。不過問過店員，拉麵係有蛋嘅，小籠包嘅皮就唔肯定，所以可以話主食都係以蛋奶素為主。🥚
真漢子今次試咗：
🥑 CLS 擂椒牛油果 $38
CLS 擂椒牛油果
$38
2047 views
2 likes
0 comments
有幾 CLS 呢？首先牛油果配埋青辣椒一齊食，應該未試過啦？最特別係佢哋比埋支棍你，自己樁爛啲食材。想辣啲咪樁爛啲辣椒，或者樁到所有嘢變成醬汁用嚟撈啲麵食都係一流。佢本身碗內都有啲汁，酸酸哋咁，配合辣椒同牛油果食非常開胃。😋
🐽 我唔係豬肉 • 手工小籠包 $53
我唔係豬肉 • 手工小籠包
$53
865 views
0 likes
0 comments
我唔係豬肉 • 手工小籠包
$53
667 views
0 likes
0 comments
小籠包係呢度其中嘅主打，好彩對素食者都有照顧到，呢款係素食版，用嘅仲係大家好熟悉嘅 Omni 新豬肉添。小籠包皮薄多汁之餘冇話好易穿，可以盡情飲哂包入面鮮味嘅湯汁，當然唔少得入口啖啖嘅新豬肉啦，好滿足。🥰
🍜 三絲拌麵 $58
三絲拌麵
$58
533 views
0 likes
0 comments
三絲有紅蘿蔔，青瓜同木耳，連埋麻醬撈麵食，感覺幾清新。呢度拉麵係手工製作，麵質唔錯，而且客人可以睇到廚房入面即時整麵同小籠包，非常認真。👨🏻🍳
🥣燕麥奶木瓜薏米雪耳雪蓮子糖水 $33
燕麥奶木瓜薏米雪耳雪蓮子糖水
$33
1143 views
1 likes
0 comments
嘩，個名咁長嘅？😆 雖然唔係好大碗，但食落都幾足料㗎，而且唔會好甜。因為加咗薏米，食落少少似食緊西米露，當然仲食到燕麥奶獨特嘅香味。🍼
如果素友們好似我咁唔住近黃竹坑區，其實都好值得特登嚟食，除咗因為呢度啲嘢幾好食，價錢合理之餘，仲因為黃竹坑最近開咗個好大好靚嘅新商場，都幾好行。而家呢啲咁熱嘅天氣，食飽飯最好梗係行商場啦，係咪咁話？😎🛍️
Post
