彩福欣宴 (Closed)

自己都唔知點解，每次想食中菜晚飯就自然會唸到彩福，可能真係師傅手勢合晒我哋口味，而今晚就黎位於佐敦嘅分店，食過幾次餐廳環境就唔講啦。但師傅不時都會推出新款合時嘅菜色，所以都依然有覺新鮮感。天氣轉涼突然想食腊味，所以點左度蜜豆蓮藕蹄片炒鴛鴦腸，肥美嘅潤腸同腊腸配搭清新爽口嘅馬蹄片同藕片，清甜嘅蜜豆，不會油膩又好送飯，真係唔錯。每次黎都會點嘅懷舊金牌叉燒，肥瘦均勻，蜜汁惹味加上滷水花生又一絶配。清蒸沙巴龍蠆1斤2兩size適宜肉質較嫩，但魚味偏淡。北菇紅燒豆腐，冬菇厚切得黎得也入味，豆腐炸香嘅外皮也吸收左蠔汁，如果有埋蠔豉就更家鄉味。黑松露秋葵帶子炒滑蛋，有啲失準，首先蛋有點過火，失去滑蛋效果，個人應為黑松露又好似做唔到秋葵同帶子間嘅鎖匙，所以整身無想像中嘅感覺。最後甜品點左女皇最愛嘅兒時回憶鯉魚芒果布甸，同民間燕窩，竹燕椰汁糕，倆樣都唔錯，唔太甜，又夠味夠滑，為今晚餐飯劃上完美句號。