Video
Read full review
2016-10-01
778 views
係太子工作完,約左朋友去砵蘭街附近搵野食,經過一間幾特別既餐廳,開頭望門面以為食中菜,點知望真D個Menu先發現係食西餐,於是同朋友2人膽粗粗入去試下,入到去成間餐廳都好中式,環境都幾大幾舒適,而且仲好寧靜,唔錯.藍莓紫薯五穀拿鐵($48):藍莓味唔太突出,反而紫薯味同穀味比較香濃,飲落有少少五穀,增加口感,而且2者都係含有好高既可食用纖維素,感覺好健康.芒果熱情果沙冰($50):同樣熱情果味唔係太突出,只飲到香甜既芒果味,沙冰打到好幼滑,飲唔到有碎冰,做得唔錯,而且好夠凍,解熱一流.水牛城雞翼($68):醬汁比較少,唔似出面食到既水牛城雞翼咁多醬汁.雞翼岩岩新解炸起,熱辣辣又香脆,可惜既係雞翼食到中間滲出少少血,有D失望既一道小食.煙三文魚凱撒沙律($78):近期食得太多肉,所以叫返個沙律黎平衡返...沙律菜非常新鮮,煙三文魚份量都算多.而凱撒沙律醬係另上,可以自行添加,感覺唔錯,因為朋友不喜歡太多沙律醬,所以我地可以各自添加自己喜歡既份量.珍寶帶子墨汁意粉($108):份量同價錢都正常,帶子嫩滑而且大粒鮮甜,墨汁意粉煮到岩岩好,唔會太硬,可以掛上好多醬汁,做得好出色,而醬汁方面更十
藍莓紫薯五穀拿鐵($48):藍莓味唔太突出,反而紫薯味同穀味比較香濃,飲落有少少五穀,增加口感,而且2者都係含有好高既可食用纖維素,感覺好健康.
芒果熱情果沙冰($50):同樣熱情果味唔係太突出,只飲到香甜既芒果味,沙冰打到好幼滑,飲唔到有碎冰,做得唔錯,而且好夠凍,解熱一流.
水牛城雞翼($68):醬汁比較少,唔似出面食到既水牛城雞翼咁多醬汁.雞翼岩岩新解炸起,熱辣辣又香脆,可惜既係雞翼食到中間滲出少少血,有D失望既一道小食.
煙三文魚凱撒沙律($78):近期食得太多肉,所以叫返個沙律黎平衡返...沙律菜非常新鮮,煙三文魚份量都算多.而凱撒沙律醬係另上,可以自行添加,感覺唔錯,因為朋友不喜歡太多沙律醬,所以我地可以各自添加自己喜歡既份量.
珍寶帶子墨汁意粉($108):份量同價錢都正常,帶子嫩滑而且大粒鮮甜,墨汁意粉煮到岩岩好,唔會太硬,可以掛上好多醬汁,做得好出色,而醬汁方面更十分香濃,有陣陣既蒜蓉味.
紫薯草莓鬆餅配綠茶雪糕($88):賣相非常吸引,鬆餅有2款雪糕可以選擇,我地揀左綠茶味,感覺會比較夾紫薯味鬆餅...鬆餅焗到好脆身,配上香濃而且份量十足既紫薯蓉,真係一絕,草莓都好甜,唔會太酸,唔錯既飯後甜品.
Post
