龍門冰室 (Closed)

知道好多人都話龍門冰室係最難食既黃店，今次特登走去食下午茶餐，坦白講係比我想象中好食既（可能因爲我無食咖喱haha）。除左冷氣太大、食物唔夠熱之外，味道算係中規中矩。《甜豉油豬扒炒烏冬》 $39呢個份量大到可以當Lunch食，烏冬唔會太軟淋，豬扒一大塊，口感嫩滑，但唔會有太多鬆肉粉，最正係個甜豉油，特別有茶餐廳風味，只係坐喺冷氣位下面，食物好快凍晒。《流心芝士火腿西多士》 $37食西多士配流心芝士比較少見，相比奶醬/奶油來得特別，中間夾心熱辣辣，仲有芝士拉絲，加埋火腿咸咸地又幾好食。《紅豆冰》 (跟餐加$7)原價好似係$2x，跟餐點加$7就飲到，抵到傻。媽咪好中意飲紅豆冰，叫左少甜，佢話紅豆煮得夠淋幾好飲。