Video
Read full review
2007-10-12
12 views
宵夜時段荃灣有不少好的糖水舖、小店同茶餐廳，但似模似樣的餐廳，能夠開到凌晨後的實在唔多。今次黎呢度開飯，都係呢個原因。幫朋友搞生日會楝左呢度。先講環境，有tv（應該係可以睇波）。天花高高兩面落地玻璃，內籠應該唔錯，弊在個別位置ge燈光有問題，建議餐廳有時間調校一下上面石英燈的照射位置，切勿亂照一通。荃灣就有間本來唔錯的餐廳，最後死在自己的燈光下。洗手間乾淨，但又係好暗，獨自如廁，出現了自己反映在四邊四面黑牆的幽幽反光，怕黑者會有點恐懼。回到餐飲方面啦！主菜牌菜色中上級價錢：串燒拼盤8串任揀（$108、單叫每串$15-17）但10點後e+做66折；普通飲料每杯21-23，無得折，唔大杯，幸好叫定食有買一送一，整體為起都ok啦。招牌菜「霜降燒牛柳」（$68），一碟6塊，3-4 mm厚、八逹通咁大，冰鎮上枱，兩成熟，怕生的朋友會較難接受；當刺身咁點日本醬油、芥末、蒜茸食，唔會過勒但有咬口，無血水，外面炭火燒熟的部分尚有燒烤香味，可以一試。定食叫左燒羊肉、燒豚肉、仲有其他定食d因為人地叫又黑得滯睇唔真係乜。有部分燒得火候適中，外香內軟（豚肉有好香的肥肉，戒脂肪者勿點）。但又有一半係乾哂，好似趙
幫朋友搞生日會楝左呢度。
先講環境，有tv（應該係可以睇波）。天花高高兩面落地玻璃，內籠應該唔錯，弊在個別位置ge燈光有問題，建議餐廳有時間調校一下上面石英燈的照射位置，切勿亂照一通。荃灣就有間本來唔錯的餐廳，最後死在自己的燈光下。洗手間乾淨，但又係好暗，獨自如廁，出現了自己反映在四邊四面黑牆的幽幽反光，怕黑者會有點恐懼。
回到餐飲方面啦！主菜牌菜色中上級價錢：串燒拼盤8串任揀（$108、單叫每串$15-17）但10點後e+做66折；普通飲料每杯21-23，無得折，唔大杯，幸好叫定食有買一送一，整體為起都ok啦。
招牌菜「霜降燒牛柳」（$68），一碟6塊，3-4 mm厚、八逹通咁大，冰鎮上枱，兩成熟，怕生的朋友會較難接受；當刺身咁點日本醬油、芥末、蒜茸食，唔會過勒但有咬口，無血水，外面炭火燒熟的部分尚有燒烤香味，可以一試。
定食叫左燒羊肉、燒豚肉、仲有其他定食d因為人地叫又黑得滯睇唔真係乜。有部分燒得火候適中，外香內軟（豚肉有好香的肥肉，戒脂肪者勿點）。但又有一半係乾哂，好似趙膠咁。配菜、味噌湯、小碟和定食的日本飯都好吃。如果佢能夠配日本綠茶就最好啦！
廚師推介，叫左個海鮮燒餅（$58）同素菜天婦羅（$38，6片），前者材料同味道似築地燒墨魚丸，後者南瓜細塊左少少，蕃薯好味！呢兩碟，無得折。
生日：經理竟然親手捧上生日蛋糕，唱埋歌搞氣氛、壽星妹仲話聽到餐廳中斷左音樂，轉播生日歌添！每人加5蚊切餅費，價值就响呢樹。
食到打包走人，5個埋單$557。若果無66折，平時我地真係未必黎架。
Post