興記

Open Now

Now Closed

今日入屯門探同事嘅bb, 入得屯門，之後順便去三聖邨食海鮮！之前聽朋友講冬菇亭興記好食，所以早兩曰就book定位。不過都係只有外邊位咋。不過後尾都安排咗坐内廳！lucky!我地揀咗3樣海鮮 - 賴尿蝦、肉蟹羔蟹各一和扇貝。扇貝最好味，蒸嘅時間剛好，扇貝鮮味。薑葱炒蟹係啲standard嘢，冇驚喜，而且唔夠熱。食親薑葱炒蟹，最好味嘅都係啲薑葱架啦。椒鹽賴尿蝦炸得唔夠透，咬落一口油。幸好賴尿蝦肉質夠厚，尚算彈牙。椒鹽嘅料落得少，好慳皮嘅感覺。另外，我地叫咗上湯浸菜心，燒鵝同咕嚕肉。咕嚕肉唔得，切得太大舊，炸得又唔脆，汁太酸。燒鵝好味，唔肥、夠香口，又嫩！