Video
Read full review
2023-03-18
125 views
今日約朋友食飯，大家都想食好啲。網上見呢間評價都唔錯，就 book 咗枱嚟食飯。餐廳以日本江戶時代為設計背景，門口有庭園、石牆、楓葉等裝飾。聽聞餐廳2位大廚都係嚟自福岡，可能因為咁，環境都特別有日式氣氛🤣最近門口位置係吧枱，可以邊享用美食，邊欣賞師傅手藝。沿住走廊有一列私人廂房，每間房有一張6人長枱。進食期間可以關上趟門，大班人嚟食飯有更有私隱度。餐廳最盡頭有好多四人座位。我哋被安排坐榻榻米，需要除鞋，但枱底有空間可以放腳，唔使屈住坐咁辛苦🧘🏻♀️單點餐牌分為時令推介、恆常餐牌兩款。店員介紹指出，時令推介嘅菜式採用當造食材，用料會靚啲👍🏻 恆常餐牌就係常駐菜式。❝ 海藻帆立貝橘子醋沙律 | $88呢款沙律從時令餐牌度揀出嚟，帆立貝真係好鮮甜！配咗啲橘子醋，酸酸甜甜幾醒胃✨❝ 牛油果赤身他他 | $88牛油果赤身他他算係fusion菜式，紅綠交織，加上鮮艷嘅小黃花，賣相幾吸引。赤身較為軟腍，牛油果則為綿軟，口感有層次。同時亦食得出加咗唔少調味，味道幾豐富。❝ 一瀧極上活魚刺身丼 | $498刺身丼超級足料！多款魚料鋪得滿滿，刺身同飯比例幾乎係1:1，甚至刺身比飯更多。用料都好新鮮，個人認
餐廳以日本江戶時代為設計背景，門口有庭園、石牆、楓葉等裝飾。
聽聞餐廳2位大廚都係嚟自福岡，可能因為咁，環境都特別有日式氣氛🤣
最近門口位置係吧枱，可以邊享用美食，邊欣賞師傅手藝。
沿住走廊有一列私人廂房，每間房有一張6人長枱。進食期間可以關上趟門，大班人嚟食飯有更有私隱度。
餐廳最盡頭有好多四人座位。
我哋被安排坐榻榻米，需要除鞋，但枱底有空間可以放腳，唔使屈住坐咁辛苦🧘🏻♀️
單點餐牌分為時令推介、恆常餐牌兩款。
店員介紹指出，時令推介嘅菜式採用當造食材，用料會靚啲👍🏻 恆常餐牌就係常駐菜式。
❝ 海藻帆立貝橘子醋沙律 | $88
呢款沙律從時令餐牌度揀出嚟，帆立貝真係好鮮甜！配咗啲橘子醋，酸酸甜甜幾醒胃✨
海藻帆立貝橘子醋沙律
$88
7 views
0 likes
0 comments
❝ 牛油果赤身他他 | $88
牛油果赤身他他算係fusion菜式，紅綠交織，加上鮮艷嘅小黃花，賣相幾吸引。
赤身較為軟腍，牛油果則為綿軟，口感有層次。同時亦食得出加咗唔少調味，味道幾豐富。
牛油果赤身他他
$78
11 views
0 likes
0 comments
❝ 一瀧極上活魚刺身丼 | $498
刺身丼超級足料！多款魚料鋪得滿滿，刺身同飯比例幾乎係1:1，甚至刺身比飯更多。
用料都好新鮮，個人認為當中海膽最為鮮甜。底下係醋飯，酸酸地咁幾開胃～
呢款丼飯雖然價錢唔平，但係刺身份量好多，魚料都好新鮮，對得住個價錢嘅！🤓
一瀧極上活魚刺身丼
$498
12 views
0 likes
0 comments
❝ 金星豬腩露筍串 | $38
豚肉部分咬落有油脂香，包裹住嘅露筍幾爽脆。一串三件細細嚿，一啖一件啱啱好～
金星豬腩露筍串
$58
13 views
0 likes
0 comments
金星豬腩露筍串
$58
6 views
0 likes
0 comments
❝ 一瀧布甸 | $38
布甸口感滑溜，入口帶有淡淡蛋味🤎
表面加咗一層焦糖脆片，相對上甜啲，不過幾鍾意呢種焦香～
食到呢度發現餐廳超有心思，以花瓣造型底碟，承托蛋形碗及布甸。
走和風路線嘅同時，亦都緊扣「蛋」嘅食物元素。套餐具好靚，差啲想拎埋佢哋返屋企🥺❤️
一瀧布甸
$38
22 views
0 likes
0 comments
一瀧布甸
$38
20 views
0 likes
0 comments
❝ 雪糕天婦羅 | $78
以天婦羅外層包住雪糕，餐牌寫有豆腐 / 抹茶雪糕。
落單嗰陣店員話仲可以揀紅豆 / 芝麻🤣 我哋就揀咗芝麻雪糕～
西日合璧嘅甜品幾有特色，不過放耐咗個皮可能會淋，需要盡快食用⏳
雪糕天婦羅
$78
11 views
0 likes
0 comments
❝ Bubble ice tea | $88
店員上菜嗰陣，會即場用泡泡槍吹大泡泡，想錄片嘅話記得手機ready!📸✅
味道方面，冰茶以果香為主，飲落甜甜地。尾韻先有淡淡茶香，整體幾清新，又唔會太甜。
Bubble iced tea
$88
13 views
1 likes
0 comments
Bubble iced tea
$88
12 views
0 likes
0 comments
最後想讚黑色頭髮，扎馬尾嗰位女侍應～
我哋睇menu揀嘢食揀咗好耐，佢都好有耐性咁推介菜式比我哋。
同埋我哋想用公筷，問佢幾咗幾次餐具都冇唔耐煩，做嘢都好快手。
3點鐘餐廳落場嗰陣，店員都冇打算趕我哋走，仲叫我哋慢慢，服務態度好難得👍🏻
埋單我哋食咗每人$460左右（已計加一）。餐廳屬於中高價位，但係食物質素、環境、服務全部都好好。
值得比呢個價錢，下次會再返嚟食！
Post
