City Art Steak．Grill (Closed)

琴日同個朋友去傾保險，佢揀左City Art Restaurant話呢度唔會嘈適合傾野，我都係第一次黎呢度食lunch，岩岩入去感覺好有情調，環境乾淨，D食物排列整齊。先試冷盤，有我最鍾意食既煙三文魚，係隔離仲有好多沙律，我樣樣都試d啦。見到紅菜頭就覺得好特別，因為係出面餐廳都好少有，另外用木瓜去做沙律味道好甜，我都夾左2轉。仲有蜜瓜做生果，成個頭盤都好清新，全部都係任食。之後main course端上，我揀左鱸魚，佢d肉質結實，個面幾香脆，最開心係成塊魚扖都係冇骨，每淡都係肉，岩哂我。菠菜墊底，口感柔軟。我個fd叫左煎豬扖，睇落去都好吸引，我試左少少，唔會好韌，加埋d燒汁食就更好。食到呢度我都差唔多，但出面有好多甜品，甜品櫃入面五顏六色既甜品真係睇到已經好開心，抱住唔好蝕既心態，就算飽都要試少少，d cake細細件，一口一件。而雪糕當然係唔少得。係呢個環境之下，我地一邊食一邊傾野，d員工服務又好好，我可以推介俾我d fd下次再黎食其他野。