海魂燒 (Closed)

呢间海魂燒應該係食一些燒物或串燒出名的吧， 但係見到個超值2人餐，有龍蝦、有筍殼魚就即刻叫了一個二人餐。餐湯蕃茄湯同前菜芒果牛油果沙律都有一種酸酸甜甜的味道，在餐前食非常開胃， 能夠提升人的胃口！燒筍殼魚， 炸筍殼魚食得多， 鹽燒筍殼魚都係第一次食，條魚好大條，肉質好鬆軟，雖然用鹽燒，但係一啲都唔會咸， 好有鮮味。特式炸拼盤主要有三種炸物，有雞軟骨、單骨雞翼同天婦羅番薯， 雞軟骨煙煙靭靭，雞翼好香脆， 天婦羅番薯都好甜。燒波士頓大龍蝦， 龍蝦其實就唔係話好大隻 ，不過加咗芝士同蟹子燒成的龍蝦，食落就有唔同嘅層次同口感， 龍蝦肉都算彈牙。燒豚肉秋葵卷， 一串有四件，好爽脆，好好食。野菜烏冬， 有娃娃菜同金菇做配料， 烏冬都好弹牙，清清淡淡，不错。飯後甜品仲有雪米糍，加上餐飲，呢餐飯都幾抵食。