新南苑雞煲小菜點心 (Closed)

下午係黃大仙搵食醫肚，見到呢間 「新南苑私房菜」茶餐廳，外面放了很多食物餐牌，👀到好多選擇兼且餐廳內座位頗寬敞，於是入內試下。😉一入內就被呢張 poster 吸引，於是叫了一客，並且叫了些小菜、點心！ 🥢籠仔飯套餐 ～ 有原盅燉湯、白灼時菜、蟲草花三黃雞籠仔蒸飯，份量十足。白菜仔新鮮清甜，蒸雞嫩滑、加埋蟲草花嘅香味，餸飯真係唔錯！🥢 梅菜蒸魚 ～ 有驚喜，條魚蒸得剛剛好，魚肉嫩滑，配合冬菜、蔥、薑絲一齊食，非常可口！🥢 點心款式多羅羅，其中棉花雞啲棉花夠大舊又有口感、雞又嫩滑；另外蝦餃頗特別，有金箔鋪面，賣相吸引，而且皮薄餡靚，啲蝦夠彈牙！