鯛魚魚湯專門店 (Closed)

今晚約咗兩個朋友一齊食飯，佢哋話想一間有好多款式嘅日式餐廳食晚飯，其中一個朋友推介係鰂魚涌嘅呢間餐廳，橫掂大家都係住喺呢區，所以大家都一齊嚟呢間，大家喺門口等咗大概20分鐘 (都真係幾多人)叫咗一個沙律食，上面有好多明太子，平時好少食到，算係今晚比較有特色嘅菜。我就叫咗呢個最出名嘅花膠魚湯烏冬，好有鮮味同埋佢啲花膠都非常有咬口。我朋友就叫咗呢度嘅鮮蟹烏冬，係原隻咁俾一隻好多高嘅蟹你，勁吸引。當然仲有叫呢度嘅小食啦，呢個炸蝦卷非常新鮮。仲有呢個牛柳粒，呢個就不過不失啦。整體來講呢間都係一間性價比比較高嘅一間餐廳。