Piano Piano Cafe

Open Now

Now Closed

基本上，我係為鬆餅（疏乎厘班戟）而嚟，但未食嘅我哋都要食啲主食先😜我哋首先叫左個意粉套餐，$248 包一個意粉，一個小食，兩杯飲品同一個鬆餅。意粉有蒜香白酒蜆肉意粉，意式卡邦尼意粉，牛油果香草醬意粉，豬柳蛋拿破崙意粉，黑松露雜菌意粉，牛肝菌汁煙雞胸意粉，芥末子煙鴨胸意粉，蒜香奶油蝦意粉和山賊炒豬頸肉意粉。款款吸引，如果唔食套餐，每款意粉都係$78咋！我地首先選左蒜香白酒蜆肉意粉，意粉尚算乾身👍，蒜香味平均，幾釣到味之餘又唔會過濃，都有幾多蜆肉，蜆肉又夠乾淨，意粉夠彈牙。另外我哋點咗牛肝菌煙雞胸意粉，有四大片煙雞胸，雞胸較乾身，唔會肥，牛肝菌汁味道香濃，我朋友食得好滋味，份量都多又唔油膩！抹茶牛奶 $46 加 朱古力 $40 都好味，抹茶勁濃而且充滿茶香味，又感覺可以解膩，加上勁豐富嘅楓糖原味厚鬆餅同紅豆抹茶厚鬆餅，用料十足，好香蛋味，楓糖就按自己喜好而落幾多，好夠fluffy，仲有重點推介抹茶，有大量紅豆同微苦嘅抹茶，食到我哋勁滿足🥰。