陸她娜豬髀飯專門店 (Moved) New Location

陸她娜豬脾店的隔幾間舖，開左間同名但更多食物選擇的店，今日就試呢間吧。午餐要$45送部分飲品，最新優惠龍眼冰不用加錢。叫左個泰式濕炒河同炒金邊粉，同樣有豬同雞揀，就各一啦。泰式濕炒河來到，見到用料好豐富，特別多菜，包括西蘭花、椰菜花、芥蘭、椰菜、甘筍等，見到都開心，豬肉切成薄片，夠嫩無渣，菜都爽脆新鮮，每款煮到剛好，汁料非常多，浸晒個河，略咸，夠濃味。炒金邊粉相對較失色，因為只得雞肉，無菜，芽菜都少，茄汁味甜甜地，個味係不錯，只是大部分係粉，悶少少，雞肉是有味的，唔係雪到淡戊戊那種。龍眼冰甜得來有龍眼味，柚子蜜頗濃，飲品不錯。