鍋心海鮮燒 (Closed)

一直都係鍋心嘅fans， 每次打完邊爐都會話憑收據去食串燒平啲， 所以決定去食下鍋心串燒。我哋去咗佐敦店， 舖頭都幾大唔會好焗， 不過客人唔係太多。開頭睇過宣傳單張覺得唔係太多嘢食， 好似係少少串燒， 再畀兩個焗飯餵飽你咁。 坐定定研究下之後發現都幾多海鮮， 我哋揀咗龍蝦，生蠔，扇貝， 蟶子， 鮑魚， 蚌。 每款海鮮都有三四種口味畀你揀， 有芝士～辣汁～泰式～葡式～其實食曬海鮮已經覺得好爽， 不過呢個時候串燒先出場， 然後仲有小食。 到最後真係食唔落個焗飯， 覺得好浪費。不過成餐飯比想像中好好多， 鍋心海鮮好新鮮。呢樣應該大家都知， 不過估唔到燒嘅都咁好味。 好滿足🥰🥰🥰