山景閣

Open Now

Now Closed

記得對上次食自助餐已經係咸豐年前嘅事， 今日突然間挑起條筋想食自助餐， 咁當然要去返 酒店林立嘅尖沙咀度尋找。今次搵到嘅呢一間酒店自助餐係位於諾士佛臺 附近， 淨係地點已經相當有情調。由於今日呢度主打係海鮮餐， 我呢啲海鮮精當然不甘示弱。喺裏面兜一個round， 熟食區 有焗蠔， 東風螺， 炸蠔等。 冷盤類有生蠔， 各式刺身， 長腳蟹等等。 即製類有海鮮粥， 炸蠔餅， 燒西冷扒 等等。 我只可以話款式多到我自己都唔相信！仲要有 燒羊仔髀食， 簡直滿足咗我n多個願望。 而每一台客 都會附送每人一隻蒜蓉粉絲蒸扇貝， 完全體會到 呢度嘅貼心服務。總結係性價比十足， 下次一定要再食。