湯•米 (Changed Hand) New Restaurant

臭臭鍋最近咁 hit，但一路都仲未有機會食，呢日一於約埋個friend去食下。我哋揀咗位於旺角豉油街嘅“湯．米”，餐廳嘅裝修簡潔明亮，坐得舒服。一睇餐牌，款款鍋都有十幾二十種配料，用料豐富，睇見都食指大動😍招牌臭臭鍋 ($108) - 牛肉片等各種食材都好新鮮，入面嘅臭豆腐口感嫩滑，臭豆腐味濃；湯底香辣得嚟帶有臭豆腐的香味，喜歡食臭豆腐嘅絕對值得一試。😋藥膳豚肉鍋 ($108) - 上一枱已經聞到好香藥材味，豚肉片肉質鮮美，湯底有藥膳味得嚟十分鮮甜，再加上其他材料，既豐富又鮮味好食。麻辣臭豆腐 ($38) - 麻辣味恰到好處，臭豆腐味夠濃，水準之作！滿杯紅柚子 ($35) - 杯入面充滿紅柚子蓉，真材實料，營養健康。滿杯百香果 ($35) - 清新嘅茶香入面係粒粒百香果，解渴好味。