Cafe Paradise (Closed)

朋友因為住長沙灣道長盛豪苑原故，經常提起這間Cafe Paradise客似雲來，話這裏食物水準一流，而且價錢一點也不貴，今晚决定搭車去食。餐廳的氣氛不錯，啱哂兩個人的浪漫，環境座位舒適，加上set dinner有多款可提供選擇， 主菜包餐湯、沙律菜、甜品和飲料最貴也不過2百幾蚊，真超值兼抵食。餐前先來黑醋沙津菜配黑松露忌廉湯，好甘香 黑松露，湯好滑好Creamy。而沙津菜配上黑醋，酸得黎又醒神，為主菜來個熱身，正！到主菜了，是280克美國頂級肉眼扒配燒汁，$228,我order時要7成熟，不想太生，怕切開時見到勁血淋淋的效果。280克果然夠大份，肉質7成熟剛剛好，牛味濃郁，口感嫩滑，而肉汁勁多，微微焦燒的表面咬落脆而香口，就算不點燒汁也味道一流，咁先 品嚐真正的美國頂級肉眼扒味。而跟碟的炸薯角比用薯仔更佳更香脆，切開一片片薯仔來炸， 薯仔味更濃，炸得好香脆，點上茄汁來食一流。最後甜品是朱古力慕絲蛋糕，細細件啱啱好， 朱古力味勁濃郁，口感幼滑，好甜，啱哂我。超滿足的一餐，正正正！