阿里郎熱狗棒 (Closed)

旺角依間「Arirang Hot Dog」有超多款口味嘅韓式炸熱狗！Hotdog Set S1（單點$120），包括有自選熱狗兩個、四粒芝士球、年糕香腸串；Oreo Hot Dog，雖然表面鋪有煉奶，但整體甜度適中，連埋OREO食都唔會太甜，利用OREO碎製作炸衣，除咗個口感脆度更加Crunchy之外，甜食嘅熱狗原來都會有意想不到嘅味道，仲要毫無違和感，內有Mozzarella Cheese、香腸；Okonom Akki Hot Dog，表面鋪有木魚、椰菜、中濃醬，內有香腸、芝士，食落類似大阪燒；四粒芝士球，無得拉絲；年糕香腸串，表面鋪有韓式辣醬、沙律醬，年糕口感外香脆內煙韌，整體食落好惹味。Tripple Cheese Hot Dog（單點$38），表面鋪有炸芝士片，內有Mozzarella Cheese，拉絲效果突出，食落味道鹹香。Conrsommasing Hot Dog （單點$38），加入粟米至炸衣，口感獨特，但略嫌內裏無粟米。