Video
Read full review
2016-02-02
647 views
美國螺頭炖老雞湯－炖湯味濃而香，睇得出足料之作。古法生炆龍躉尾－推介！龍躉尾炸完再炆D肉仲好滑，配汁食唔太咸一流。魚厚身所以就算得條尾12個人食都夠分，唔好漏咗同魚一齊炆嘅炸豆腐，吸晒魚汁嘅精華好好味！花膠花菇扒鵝掌－味道唔錯但鵝掌略嫌較瘦，算比一般飲宴食到好食唔太特別。炸子雞－都係飲宴必到菜式，相比下呢道菜較高分，雞滑皮脆唔算太油。生炒糯米飯－呢款係我所期待嘅菜，因為自己較懶唔願整但又好難食到好味嘅糯米飯。糯米飯足料又唔太乾，一粒粒飯粒分明唔會粘埋一舊，睇得出師傅有工架。枝竹羊腩煲－羊腩腍唔膻，鍾意食羊嘅可能會覺得唔夠膻。羊腩煲汁濃枝竹多，算唔錯！黃金炸脆皮蝦球－我呢個黃金迷（超鍾意咸蛋黃的菜式）呢個菜就啱晒！蝦球大大舊用炸漿包裹，炸漿一D都唔厚仲好脆，咬落發現隻蝦真係好大隻，啖啖肉好滋味。食黃金蝦一定要畢埋周邊的炸咸蛋黃碎就最正喇！士多啤利肉排－呢道菜因為太搶手所以影唔切相，我本身唔鍾意酸味，點知佢一D都唔酸，甜甜地仲好好味添。全晚最失色嘅莫過於甜品花生糊，經過咁多道非常滿足嘅菜式後對呢碗花生糊真係滿有期望，但一望之下稀過甜品鋪十幾蚊碗開粉嘅糖水，入面有幾舊冇味嘅蛋白，糖水食落一D
美國螺頭炖老雞湯
88 views
0 likes
0 comments
古法生炆龍躉尾
88 views
0 likes
0 comments
花膠花菇扒鵝掌
84 views
0 likes
0 comments
炸子雞
74 views
0 likes
0 comments
生炒糯米飯
82 views
0 likes
0 comments
枝竹羊腩煲
87 views
0 likes
0 comments
黃金炸脆皮蝦球
100 views
0 likes
0 comments
士多啤利肉排－呢道菜因為太搶手所以影唔切相，我本身唔鍾意酸味，點知佢一D都唔酸，甜甜地仲好好味添。
全晚最失色嘅莫過於甜品花生糊，經過咁多道非常滿足嘅菜式後對呢碗花生糊真係滿有期望，但一望之下稀過甜品鋪十幾蚊碗開粉嘅糖水，入面有幾舊冇味嘅蛋白，糖水食落一D花生味都冇。豐盛嘅一餐過後以呢個糖水劃句號真係非常失望！
Other Info. :
用餐環境較擠迫，不過可能年尾時節可以理解
(The above review is the personal opinion of a user which does not represent OpenRice's point of view.)
Post
