Video
Read full review
2021-08-28
40 views
好耐無食Omakase, 今次約埋fd 一齊過黎食懷愐下日本發現佢連裝放器具都好講究，一開始上10道Sashimi都係用左日本嘅有田焼，每隻碟都勁靚好有特色，之前好想買隻靚碟search 過，發現日本製嘅有田焼都好貴，最後放棄左。見到呢度碟好想擁有🤣因為天氣熱, 所以好貼心咁安排冷盤做前菜， 分別係4度糖百合茄, 同埋靜江縣嘅胡麻醬菠菜拌明蝦，同埋東京直送得獎「小女子」。 百合茄好甜，菠菜軟腍加蝦多重口感。 小女子係玉筋魚、核桃加上白芝麻籽以鹹甜醬油調味傳統小食。之前雖然食過，不過都係師傅介紹先知原來叫小女子，甜中帶鹹而不膩. 茶碗蒸幾滑溜, 之後就到主菜，刺身同壽司。師傅製作完會解釋菜式紫蘇花配象拔蚌刺身，通常用紫蘇葉多，原來紫蘇花都一樣帶其獨有香味而香味相對無葉咁霸道，而且亦更精緻。象拔蚌刺身爽口帶微甜椿蠔，由日本運黎係魚虹養住即開，確保新鮮。差唔多手掌size 咁大隻, 口感creamy 海水味較重下道係北海道海膽， 配慢煮5個鐘鮑魚，再灑上魚子。海膽呈橙黃口感細膩，味道鮮甜。魚子海水咸較重，比較impressive 係鮑魚經慢煮比平時酒樓食嘅味道更濃郁同juicy，口感柔軟帶綿
發現佢連裝放器具都好講究，一開始上10道Sashimi都係用左日本嘅有田焼，每隻碟都勁靚好有特色，之前好想買隻靚碟search 過，發現日本製嘅有田焼都好貴，最後放棄左。見到呢度碟好想擁有🤣
因為天氣熱, 所以好貼心咁安排冷盤做前菜， 分別係4度糖百合茄, 同埋靜江縣嘅胡麻醬菠菜拌明蝦，同埋東京直送得獎「小女子」。 百合茄好甜，菠菜軟腍加蝦多重口感。 小女子係玉筋魚、核桃加上白芝麻籽以鹹甜醬油調味傳統小食。之前雖然食過，不過都係師傅介紹先知原來叫小女子，甜中帶鹹而不膩. 茶碗蒸幾滑溜, 之後就到主菜，刺身同壽司。師傅製作完會解釋菜式
紫蘇花配象拔蚌刺身，通常用紫蘇葉多，原來紫蘇花都一樣帶其獨有香味而香味相對無葉咁霸道，而且亦更精緻。象拔蚌刺身爽口帶微甜
椿蠔，由日本運黎係魚虹養住即開，確保新鮮。差唔多手掌size 咁大隻, 口感creamy 海水味較重
下道係北海道海膽， 配慢煮5個鐘鮑魚，再灑上魚子。海膽呈橙黃口感細膩，味道鮮甜。魚子海水咸較重，比較impressive 係鮑魚經慢煮比平時酒樓食嘅味道更濃郁同juicy，口感柔軟帶綿靱
之後到北海道嘅角螺，上面係沖繩嘅海葡萄，super food 據說營養價值好高，無咩味不過增添口感。角螺又係好爽脆，灑上柚子皮令其更refreshing
北海道帶子幾甜~ 另一邊係鱆紅魚刺身，灑上紫蘇花，師傅建議配搭酸醬油。白身魚味道比較清，口感彈牙
德島嘅金目鯛...呢碟唔ok
大拖羅配上鱲魚，Toro 好肥美，油花超多，極富油脂香而口感軟腍,鱲魚帶火炙過香味
之後到宮崎西冷A4和牛，牛脂香味好rich 配上 甜照燒汁幾香，不過略嫌有點overcooked 所以唔夠嫩
赤牡丹蝦配藍蝦籽，第一次食藍蝦籽，睇落有點詭異，原來係佢地正常發育期嘅顏色，甜蝦食落鮮甜軟糯還不錯
象拔蚌甜爽唔錯
深海池魚 魚肉厚實，味道不過不失
左口魚連埋左口魚邊經過輕輕火炙過，帶微油脂香，肉質細膩晶瑩剔透。
伊佐目都係火炙後油脂味會出點
大拖羅又出現，係好食嘅
醋鯖魚壽司卷，嗯, 除左金目鯛係當日最不喜。鯖魚嘅微腥，即使加左薑都未完全遮蓋到，係我仲未接受到
北海道根室海膽再出現，係好食嘅
松茸海鮮湯, 帶淡淡松茸香味, 除左切絲松茸仲有魚同蜆肉, 所以有帶點鮮味.
最後仲有甜品, 分別係黑芝麻雪糕, 好rich 芝麻香味, 日本甜蜜瓜同埋黑糖卷蛋. 我懷疑可能都係日東出品, 幾香口感軟綿. 好飽滿滿足一餐
Post
